sábado, 16 de febrero de 2013

VISITAMOS O BUQUE-ESCOLA JUAN SEBASTIÁN DE ELCANO


Hoxe, venres 15 de febreiro, os alumnos de 3º ciclo de EP, asi como os alumnos da ESO tivemos a oportunidade de visitar o buque "Juan Sebastián De Elcano"
Trece anos despois da súa última visita a esta cidade (no ano 1999), hoxe mesmo atracou no Arsenal Militar para desembarcar aos alumnos do curso de especilidade de Maniobra e Navegación que finalizan a súa viaxe de instrucción.
 Para velo, desprazámonos camiñando a este Arsenal; lugar ao que a maioría de nós nunca fóramos, a pesar da curiosidade que tiñamos por descubrir como sería realmente este lugar.
Nada máis chegar quedamos abraiados polo aspecto tan cuidado, pola existencia de varias fragatas, pola vista ao lonxe do portavións Príncipe de Asturias, e como non pola grandiosidade do buque que íamos visitar.

                   

O Juan Sebastián de Elcano recibiu  nome na honra do ilustre mariño vasco. Foi construido en Cádiz e a súa botadura tivo lugar o 5 de marzo de 1927.
A base do buque atópase no Arsenal de La Carraca en San Fernando, na provincia de Cádiz.
Neste buque todo está disposto para servir de escola aos futuros oficiais da mariña. Conta con aulas e dependencias nas que os alumnos realizan os seus estudios e actividades, ademais doutras tareas propias da vida no mar, tendo a oportunidade de aprender a navegar como os antiguos mariñeiros.

Aparte de Buque Escola da Armada española, o Juan Sebastián de Elcano actúa tamén como buque de apoio á política exterior do Estado, mostrando a bandeira en todos os países que visita, recibindo a bordo a diferentes autoridades e personalidades nacionais e extranxeiras, e gañándose o  afecto dos que o visitan. 

A súa primeira viaxe transoceánica foi a volta ao mundo en dirección oposta á ruta Magallanes-Elcano. Desde entón xa leva realizadas outras nove, así como setenta e dous cruceiros de instrucción, recorrendo máis dun millón e medio de millas náuticas por todos os mares do planeta. Nel formáronse xeracións e xeracións de oficiais de marines da Armada e tamén participou en innumerables desfiles.
Na súa longa traxectoria, o barco leva soportado numerosos temporais, loitando contra ondas de quince metros de altura e ventos de máis de cento sesenta kilómetros por hora. Historias relatadas polos seus comandantes nas súas crónicas que ben poderían figurar nos mellores relatos de aventuras.
Cos anos sufriu trasformacións importantes, como a unión das seccións interiores, a instalación dunha planta frigorífica, aire acondicionado en todas as dependencias, planta potabilizadora de auga, planta de tratamento de residuos fecais, motores auxiliares, etc.
Na actualidade, tamén conta cun motor diesel sobrealimentado de 2.000 caballos de potencia.
O seu aparello considérase de bergantín-goleta, aínda que tamén podería considerarse como goleta de velacho. Ten catro mástiles que toman os nomes dos anteriores buques escola da Armada: Blanca, Almansa, Asturias y Nautilus.

 

Tivemos a sorte de que acompañando a cada grupo había un garda-marina que nos explicou moitísimos aspectos sobre o buque e estivo disposto a responder a todas as preguntas que lle formulamos.


                     
A visita resultou moi interesante, a proba as fotos nas que se pode ver o atentos que estabamos a todos os detaies do buque.


                                           



Está previsto que o buque zarpe o sábado pola tarde hacia Cadiz. BOA VIAXE!



lunes, 11 de febrero de 2013

ENTROIDO

Xa chegou o Entroido !
 Igual que todos os anos os disfraces dos distintos cursos fan referencia a unha temática común; e  este curso a temática é o xogo. Asi pois, tras facer unha posta en común de todos os xogos que se nos ocorrían, seleccionamos o de Atrapa un pez, no que os pescadores deben capturar o maior número posible de peixes. Pronto puxémonos mans á obra para confeccionar os disfraces de peixes e para seleccionar os complementos dos disfraces de pescadores. 
Por fin chegou o día de lucir os disfraces, o venres 8 de febreiro.
Xa cos disfraces postos enchemos a tripa con distintos postres típicos destas datas que nais, pais e avós cociñaron para nós, gracias a todos eles.  Gustáronnos tanto que os peixes case  non podiamos nin nadar; asi que puxémosllo bastante doado aos pescadores.






 a visita de alguén moi coñecido tanto polos peixes como polos pescadores: "Bob Esponja" e pasámolo moi ben xuntos.




 E xa que ao fin deixou de chover, saímos dar un paseo pola zona de Catabois, onde nos fixemos con moitos caramelos que dende algúns establecementos, e incluso particulares, nos tiraron. Gracias  a todos eles pola súa xenerosidade.


Comecocos e pantasmas, marionetas, fichas de dominó, parchís, peixes e pescadores... xuntos pasamos unha xornada espléndida, non si?